| |
Is there for honest
poverty
That hings his head, an a' that?
The coward slave, we pass him by -
We dare be poor for a' that!
For a' that, an a' that,
Our toils obscure, an a' that,
The rank is but the guinea's stamp,
The man's the gowd for a' that.
What though on hamely fare we dine,
Wear hoddin grey, an a' that?
Gie fools their silks, and knaves their wine
-
A man's a man for a' that.
For a' that, an a' that.
Their tinsel show, an a' that,
The honest man, tho e'er sae poor,
Is king o men for a' that.
Ye see you birkie ca'd 'a lord,'
What struts, an stares, an a' that?
Tho hundreds worship at his word,
He's but a cuif for a' that.
For a' that, an a' that,
His ribband, star, an a' that,
The man o independent mind,
He looks an laughs at a' that.
A prince can mak a belted knight,
A marquis, duke, an a' that!
But an honest man's aboon his might -
Guid faith, he mauna fa' that!
For a' that, an a' that,
Their dignities, an a' that,
The pith o sense an pride o worth.
Are higher rank than a' that.
Then let us pray that come it may
[As come it will for a' that],
That Sense and Worth o'er a' the earth,
Shall bear the gree an a' that.
For a' that, an a' that,
It's comin yet for a' that,
That man to man, the world, o'er
Shall brithers be for a' that. |
Robert
Burns is one of the most famous characters in Scottish
Cultural History. His importance is immense, not only in
terms of his fascinating story and his work……but
as a living tradition, carried from generation to generation
throughout the World. Everyone, everywhere, who joins in
the celebration of Scotland, Scottish Heritage or Scottish
Culture, will witness references to Robert Burns.